+13 °С
Салкым
Та нуналэ отын "Элен вӧсь" но "Элен" фестиваль ортчизы. Соосты радъянын Ижевскысь Камсьӧр удмуртъёслэн огазеяськонзы кичӧлтӥсь луиз. Вӧсьын Бурай ёросысь Алтауысь, Татышлы ёросысь Улысь Балтачысь но Киргаысь куриськисьёс Инмарлы вазиськизы.
Вӧсь бере палэнынгес "Элен" фестиваль кутскиз. Отчы Куеда ёросысь ваньмыз сямен удмурт ансамбльёс пыриськизы. Со сяна, шумпотыса вуизы Янаул но Татышлы ёросъёсысь, Ижевскысь ансамбльёс.