+1 °С
Лымы
Антитеррор
Вань иворъёс
Общество
26 куартолэзе 2022, 10:35

Ужбергатонын – 20 ар

26-тӥ май - Ужбергатӥсьлэн нуналэз

Ужбергатонын – 20 ар
Ужбергатонын – 20 ар

Милана но Яков Камидуллинъёс ужбергатон удысэ нырысетӥ вамышсэс 2002-тӥ арын лэсьтӥллям. Нырысь Выль Татышлые вузкарон ларёк пуктӥллям. Кӧня ке дыр ортчыса, «Витязь» магазин ӝутӥллям. Туннэ нуналэ татысь пӧртэм сиён-юонъёс, нуналлы быдэ кулэ луись вузъёсты басьтыны луэ. «Витязьын» ужасьёс Милана Камидуллина но Альмира Нуриева котькуд пырисез пальпотыса, ӟеч мылкыдын пумитало. Милана Сабировна бухгалтериен герӟаськем ужъёсты но нуэ. 

Вузкарисьёслэн кылъёссыя, «Витязе» арлыдоос, школаын дышетскисьёс, пе, ӵем вуыло. «Гуртмы ёрос центрлэсь кыдёкын ӧвӧл. Тросэз отын ужало. Вылысь Татышлыысь вузкарон юртъёсын ик басьясько. Кинлэн Вылысь Татышлые ветлыны луонлыкез ӧвӧл, соос милям магазинамы лыкто. Со сяна, Выль Татышлыын мукет вузкарон юрт вань на», - вера Милана Сабировна.

Туспуктэм вылын: Милана Камидуллина но Марита Даваева (туспуктэм редакцилэн архивысьтыз басьтэмын).

Туспуктэмез Алексей Самирзяновлэн. 

Автор:Миляуша Булатова
Читайте нас: