Нылпиослы шаерез гажан мылкыд пыӵатоно

Егит пиосты военнослужащейёслэн улонэнызы тодматон, соосты службае дасян вылысь, шаерамы «Обязательная подготовка граждан к военной службе» нимысьтыз система кылдытэмын. Со системалэн одӥгез валтӥсь люкетэз – бадӟым классъёсын дышетскись пиос понна вить нуналъем учебной сборъёс радъян.

Ермекей ёросысь дышетонъя ёзэтэн кивалтӥсь Олег Никитин нылпиослэн «Ручеёк» шутэтскон лагерязы вуылӥз. Али отын тупатъяськон ужъёс мыно. Кематэк гужем каникулъёс кутско, лагерь шутэтскись нылпиосты пумиталоз.

Со сяна, О. М. Никитин Ермекей ёросысь бадӟым классъёсь пиос понна учебной сборъёсты усьтон ужрадэ пыриськиз. Отын пиос ньыль нунал луозы. Со дыр ӵоже соос солдат улонэз веръялозы.

Фото: https://vk.com/tgolovina1401?z=photo110557841_457243314%2Fwall110557841_10435