Отын «Ӟечбуресь, гуртоос» праздникъёс ортчозы. Та ужрадъёс Башкортостанысь удмуртъёслэн национально-культурной центрзылэн уж планаз но пыртэмын.
«Гуртмылэн юбилеяз дасяськон кылем арын ик кутскиз ни, - вера Касияровысь Мавлетзян Тазетдинов. – Со дырысен трос ужъёс быдэстэмын. Гуртмес шулдыртон сярысь но сюлмаськиськом, ӵемысь субботникъёс ортчытъяськом». Мавлетзян Каримович Башкортостанысь удмуртъёслэн огазеяськонзы кылдэм дырысен ни солэн ужаз мыло-кыдо пыриське, трос ужрадъёсты ортчытонын кичӧлтӥсь луиз. Гуртсылэн нуналаз дасяськон бордын но со сюлмысь тырше. Та нуналъёсы, кылсярысь, бадӟым ужрадзы пумысен тодосчиен Ранус Садиковен но БР-ысь удмуртъёслэн НКЦ-зылэн Кенешезлэн ёзчиеныз Салимьян Гарифуллинэн кенешизы.