+6 °С
Салкым
Антитеррор
Вань иворъёс
Общество
10 куартолэзе , 21:48

Башкортостанын кык машинаос донгиськизы: вить адями быриз

Куартолэзе Башкортостанысь сюресъёсын трос кышкыт учыръёс луизы ни.

Башкортостанын кык машинаос донгиськизы: вить адями быриз
Башкортостанын кык машинаос донгиськизы: вить адями быриз

Соос пӧлысь тужгес кышкытэз вал 10-тӥ куартолэзе. Туннэ   Уфа-Янаул сюрес вылын Renault Sandero но Skoda Rооmster машинаос шуккиськизы. Отын вить адями быриз. Renault Sandero сюрес урдсы усемез бере ӝуаз. Кышкыт учыр пумысен эскерон ужъёс азинтӥсько.

Сюрес вылын кылдэм кышкыт учыръёсын трос дыръя быро яке сӧсырмо пыдын ветлӥсьёс но. Толэзь кутсконын, кылсярысь, Уфаысь 32 аресъем пиосмурт «Шкода Кодиак» машиналэн руль сьӧраз пуксьыса 16 но 12 аресъем нылъёсты шуккиз.

Нылпиос сюрес вамен пыдын ветлон интыетӥ потто вылэм. Кышкыт учыр бере соос эмъюртэ шедизы. Одӥгез понна шумпотоно: нылъёс улэп кылизы.

Сюрес вылын котькинлы сак луоно: пыдын ветлӥсьёслы но, руль сьӧрын пукисьёслы но. Одӥг пол янгышам бадӟым кышкытлык кылдытыны быгатэ.  

Туспуктэм: пресс-служба МЧС по РБ

Автор:Оля Нигаматуллина
Читайте нас в