+6 °С
Салкым
Антитеррор
Вань иворъёс
Общество
6 куартолэзе , 12:08

Нефтекамскысь удмурт огазеяськонлы выль кивалтӥсь бырйизы

Нефтекамскысь удмурт огазеяськон 25 ар тырмон юбилейзэ пусйиз. Туэ солы выль азьветлӥсь бырйизы. 

Нефтекамскысь удмурт огазеяськонлы выль кивалтӥсь бырйизы
Нефтекамскысь удмурт огазеяськонлы выль кивалтӥсь бырйизы
Табере огазеяськонэн кивалтоз городысь 23-тӥ номеро нылпи садысь воспитатель Ирина Алфёрова. «Нефтекамскысь удмуртъёслэн улоназы мыло-кыдо пыриськи, - вера Ирина Геннадьевна. – Туж шумпотӥсько, городысь калыкмы огазе люкаськыны быгатэ ке. Сыӵе пумиськонъёсын котьку удмурт кылын вераськиськомы».
Огазеяськонлэн выль кивалтӥсез азьланезлы выль малпанъёсын улэ ни. Со бадӟым саклык висъялоз егитъёсын ужанлы. «Ужрадъёсамы одно ик егитъёсты вазёно, соосын ӵош тунсыко ужрадъёс ортчытъяно», - шуэ Ирина Геннадьевна. Вераны кулэ, воспитатель уж дураз но пиналъёсты удмуртлыкен тодматыны тырше: калыклэн дӥськутэз, сиён-юонэз сярысь вера, выжыкыл, кылбуръёс лыдӟе.
Ирина Алфёрова вордскемын но будэмын Татышлы ёросысь Вылысь Балтач гуртын. Со ӟеч тодэ удмурт калыклэсь культуразэ, сям-йылолъёссэ, кылзэ. Со сяна, Ирина Геннадьевна Нефтекамске республикамылэн пӧртэм сэрегъёсысьтыз вуэм егитъёсын, егит семьяосын эшъяське. Соин со огазеяськонзылэсь вуонозэ нылпиослэн, егитъёслэн но арлыдоослэн ӵошен ужамзы, соослэн анай кылзэс утьыны тыршемзы бордысь адӟе.
 
Нефтекамскысь удмурт огазеяськон сярысь пыр-почгес лыдӟе газетмылэн вуоно номерысьтыз. 
Автор:Оля Нигаматуллина
Читайте нас в