Алтауэ ӝож ивор вуиз: Украинаын гуртозы быриз

«Туннэ сое вайыны Уфаысь М. Карим нимо аэропортэ потӥзы. Ӵуказе ӵукна, оскисько, улосчимес гуртаз вуттозы. Нош куинетӥ мае 12.00 часын Бурайысь культура юрт азьын траурной митинг ортчоз», - гожтэ вотэс бамаз Бурай ёрос администрациен кивалтӥсь Рушан Гараев.

Валерий Фаршатов Кузбайысь шор ёзэ  школаез йылпумъямез бере, 1987-тӥ арын Омскысь вылӥ общевойсковой командной училищее дышетскыны пыриз. Сое 1991-тӥ арын йылпумъяз.  В. Фаршатов 2009-тӥ арозь шаермес утиз. 2008-тӥ арын  Абхазиын но командировкаын луиз. Армиысь кошкемез бере Нефтекамскын улӥз.   

Запасысь майор Валерий Фаршатов Луганске 4-тӥ апреле ас мылкыд каремезъя кошкиз. Военной операциосы со 15-тӥ апрельысен пыриськиз, 22-тӥ апреле улонэз чигиз.