Калтасыын «Атайсал» проектлы сӥзем ужрад ортчиз

Со улсын трос ужъёс лэсьтэмын. Проектлэн порталаз огъя 2700 участникъёс регистрироваться кариллям, соослэсь 7800 заявкаос вуэмын. «Атайсал» проектъя ужамъёс пӧлын вить ёросъёсты пусйизы: Калтасы, Стерлитамак, Краснокама, Салават но Мелеуз ёросъёс.

28-тӥ апреле Калтасыын «Атайсал» проектлы сӥзем ёрос ужрад ортчиз. Отын проект улсын трос ужъёс быдэстӥсьёсты Данъян грамотаосын но Тау карон гожтэтъёсын пусйизы. Соос пӧлын луизы Бадӟым Качак гурт поселенилэн администрациеныз кивалтӥсь Геннадий Хайдаршин но Калтасы ёросысь Егитъёслэн ужъёссыя, физкультурая но спортъя комитетэн  кивалтӥсьлэсь ужзэ быдэсъясь  Светлана Каташова. Нош туннэ, 29-тӥ апреле, соос Уфаын ортчись «Сила землячества» форуме пырисько.