Мылкыданъёс но малпанъёс

Галимьян Шагиевич вера:

- Тазалыко улонлэн инъетэз – со спорт. Спортлы тросгес дырез висъяны тыршоно. Мон пичи дырысен шахматэн, волейболэн шудыны яратӥ. Али но шудӥсько. Берло дыре та тунсыкъяськонъёсы вӧзы чылкыт омырын пыдын ветлон ватсаськиз.

Гуртын улӥсьёс но спортэн ӵемгес мед вырысалзы. Шумпотымон, вордскем гуртам - Улысь Балтачын -  улӥсьёс тазалыко улонлы саклык висъяса, туэ «Трезвое село» республика конкурсэ пырисько. Со улсын гуртын спорт ӵошатсконъёс, юонэн нюръяськонлы сӥзем ужрадъёс трос ортчыло. Котькуд конкурслэн кыӵе ке но пайдаез луэ. Вормисьёс, призёръёс, кылсярысь, коньдон кузьымъёсын пусйисько. Со коньдон гурт, калык понна пайдаё ужъёс лэсьтыны юрттэ. Зэм, конкурс бере Улысь Балтачын юисьёс чылкак бырозы шуыны уг луы. Но троэз малпаськозы, шонер сюрес вылэ султозы. Калык данъяськыса вералоз, ми «Трезвое село» республика конкурсэ пыриським, трос ужъёс лэсьтӥм, бадӟымесь ужрадъёс ортчытӥм шуыса.