Изолонлэсь но фоамиранлэсь чебересь сяськаос пӧрмо

«Кыкетӥ нылпие вордскем бере, декретын дыръя, мон киуж сярысь малпаськыны кутски. Озьы изолонлэсь но фоамиранлэсь сяськаос лэсьтон борды басьтӥськи. Лилияос но розаос тупатъясько. Сяська лэсьтон уж капчи ӧвӧл: котькуд куарез, котькуд модосэз, сяськалэсь лепестоксэ одӥген-одӥген вандоно, юнматоно, ляконо, одӥг бадӟым композиция кылдытоно. Но лэсьтэм ужлэсь пумзэ адӟисько ке, со мыным трос кужым сетэ.Нош сяськаосы калыклы ке кельшо, мон выль ужъёслы бурдъяськисько», -  шуэ Вера Юрьевна.