Удмурт огазеяськон котырес лыдпуссэ пусйиз

1992-тӥ арын огазеяськонэн кивалтонэз Юрис Саитовлы оскизы. Азьпалтыса верало, Юрис Саитовичлы Башкортостанысь удмуртъёслэн национально-культурной центрзылэн Янаул ёросысь филиалэныз кивалтонэз но оскизы. 30-тӥ мартэ ортчем пумиськонын Янаул ёросысь удмуртъёс со понна куаразэс сётӥзы.  Кивалтӥсьлы воштӥсе Янаул ёросысь Вуж Вараш гурт поселенилэн администрациеныз кивалтӥсез Э. М. Минликузинаез бырйизы. Янаул ёросысь филиаллэн Кенешаз укмыс адями ужалоз. Удмурт огазеяськон азьланяз но калыклэсь кылзэ, культуразэ, сям-йылолъёссэ утён но азинтон сярысь сюлмаськоз.

Котырес юбилейлы сӥзем ужрадэ трос калык люкаськиз. Соос пӧлын луизы республикаысьтымы Татышлы ёросысь, Пермь шаерысь Куеда ёросысь, Удмуртиысь куноос.  Собраниын трос шуныт кылъёс чузъяськизы, удмуртлыкез утёнэ бадӟым кужымзэс сётыса тыршем адямиос Данъян грамотаосын но Тау карон гожтэтъёсын пусъемын. Ужрад шулдыр концертэн йылпумъяськиз.  

Пыр-почгес лыдӟе газетмылэн вуоно номерысьтыз.