«Вӧй келянын» шутэтскизы, вӧсям ӝук веръязы

Со «Трезвое село» республика конкурс улсын радъяськиз. Люкаськем калыкез ӟечкыласа вераськиз Улысь Балтач гурт поселенилэн администрациеныз кивалтӥсь Э. Б. Рахимзянов.

«Вӧй келянын» интыысь школаысь физкультурая дышетӥсь Р. В. Губаев покчи классъёсын дышетскисьёслы куасэн эстафета радъяз. Нош собере нылкышноос но пиосмуртъёс пӧртэм конкурсъёсы пыриськизы: мешокен бызьылӥзы, гозы кысказы но мукет. Со сяна, нылкышноослэн командаоссы «Ӵужонболэн» шудӥзы. «Вӧй келянын» котькуд мылкыд карись вӧсям ӝук веръяны быгатӥз. Ужрадэз гуртысь кырӟасьёс шулдыртӥзы.