Республикаын Анай кыллэн нуналэзлы сӥзем трос ужрадъёс ортчизы

Выль Татышлы школаын удмурт, башкир, бигер, ӟуч пиналъёс дышетско. Соос анай кылзэс, лулчеберетсэс мед яратозы но гажалозы шуыса, трос пӧртэм ужрадъёс ортчытӥсько. Та нуналэ радъяськем шудонын но соос трос тунсыкозэ тодӥзы. Онлайн-путешествие амалэн нылпиос «Пословицы», «Загадкино», «Считалкино», «Игры», «Песни» станциосы вуылӥзы. Отын соос анай кылынызы лэчыт веранъёсты веразы, мадиськонъёслы валэктонъёс сётъязы, лыдъяськонъёсты тодазы ваизы, пӧртэм калык шудонъёсын шудӥзы. Нош путешествиысь соос задор кырӟанъёс быдэстыса бертӥзы.   

https://vk.com/feed?z=photo-210091221_457239202%2Fwall-210091221_85