Вылысь Тыхтемын Гын сапеглэсь нуналзэ пусйизы

Калык календарья Россиын 16-тӥ тулыспалэ Гын сапеглэн нуналыз пусйиське. Вылысь Тыхтемын та праздникез шудон выллем ортчытӥзы. Ужрадлэн кутсконаз нылпиос гын сапег сярысь трос тунсыкозэ тодӥзы: ку но кытын со кылдӥз, кызьы сое утялтыса возёно. Гын сапег лёгон технологиен но тодматскизы.

Дышетскисьёс онлайн амалэн Мышкин но Москва городъёсы интыяськем «Русские валенки» музейёсы экскурсиосы но вуылӥзы. Со сяна, соос та пыдкутчанэн герӟаськем мадиськонъёсты но лэчыт веранъёсты тодазы ваизы. «Лошадки», «Кидай снежки в валенок», «Балалайка из валенка» конкурсъёсы но нылпиос мыло-кыдо пыриськизы. Ужрад «Валенки» калык кырӟанэн йылпумъяськиз.  

Туспуктэм: https://vk.com/biblioteka1961?z=photo588749105_457240289%2Fwall588749105_423