Калтасы ёросын урмонъя (бешенствоя) карантин ялэмын

Калтасы ёросын бешенствоя карантин 8-тӥ февральысен кутэмын.

Та сярысь указ Башкирилэн правовой информацияя официальной интернет-порталэ пуктэмын.

Таӵе висён шедьтэмын Любовь Зворыгиналэн юртысьтыз: село Кутерем, ул. Новостройка, 5.

Башкириысь Ветеренарияя управлениын верамзыя, азбаразы ӟичы вуэм. Адямиослы со йӧтымтэ, нош пунызылэн прививкаез вылэм.

«Урмон черен висись кыр пӧйшуръёс номырлэсь но, нокинлэсь но уг кышкало. Висисьтэм ӟичы адями доры уз лыкты. Гуртэ вуэм ӟичылэсь виымысьтыз биоматериалэзлы анализ лэсьтыса, тодмо луиз, пӧйшурлы бешенстволэн вирусэз йӧтэмын», — верало ведомствоын.

Интыысь пудо врачъёс табере котькуд корка пыраса, пудооссылы прививкаос лэсьтыло, висьыны кутскем пудоосты шараяло.

Та гуртысь вань пудолы бешенстволы пумит вакцина лэзёзы, мукет интыысь пудо басьтыны-вайыны лэземын ӧвӧл.

Фото: открытый источник