Акциосы мыло-кыдо пырисько

Лымыен «нюръяськонлы» сӥзем ужрадъёс но ӵем радъясько. «Снежный субботник» акцие котькуд мылкыд карись адями пыриськыны быгатэ.

Пермь шаерысь Куеда ёросын памятникъёсты лымылэсь сузьянлы сӥзем акция мынэ. Отчы ёросысь гуртъёс но азинлыко пырисько.

 Гожанысь, Киргаысь, Кипчакысь, Вуж Шагиртысь школаосын дышетскисьёс но ёросазы ортчись акциослэсь палэнэ уг кылё. Кема ӧвӧл памятникъёсты мычонлы сӥзем ужрадэ потӥзы. Ӵошен соос бадӟым ужез капчиен быдэстӥзы, вакчи дыр куспын йылпумъязы. Пиналъёслэн дырзы чылкыт омырын пайдаё ортчиз.

Бадӟым Гондырысь культура юртын ужасьёс но акцие пыриськизы. Вылысь Гондырын улӥсьёс но гуртысьтызы памятниксэс мычыны потӥзы. Тодады вайытӥськом, та гуртын Быдӟым Атыкай оже быремъёслы сӥзем памятник 2020-тӥ арын усьтӥськиз. Таӵе ужез быдэстыны пӧрмиз «Лукойл» ПАО-лэн социальной но культурной проектъёслы сӥзем конкурсэз улсын.

Фото: 

Администрация Куединского муниципального округа