Выльысь пумиським, куинь но ӝыны ар ортчыса

             ***

Маняпай Калтасы ёросысь Бадӟым Туганеево гуртын 1937-тӥ арын вордӥськем. Пичиысен трос секытлыкъёсты пыр потэм. Ас сярысьтыз мадьыны кутскемезлэсь азьвыл ик, кышкыт ож аръёсты возьматӥсь суредъёс син азе пуксё. Но арлыдо песянай адӟем секытлыкъёсыз сярысь мадьыны уг дырты. «Мон анайме уг тодӥськы. Со кулыку мыным куинь арес вылэм. Сизьым аресам атайтэк кыли. Монэ агай но ӟенгай утьыса будэтӥзы. Туж тупаса, тату улӥм. Одӥг секыт кыл но ӧз вералэ. Ӟенгаелэн ӟечлыкез али но уг вуны», - вера 84 аресъем Гильнаур Шакировна.

Дас укмыс аресаз со Зилаир ёросэ вуэм. Вордӥськем палъёсызлэсь палэнэ кошкемзэ арлыдо песянай уженыз герӟа. «Целина ӝутон вакытэ та палъёсы вуи. Куамын юртысь люкаськыса татчы лыктӥм. Поездэн. Пудооссэс но вагонъёсы тырыса сьӧразы ваизы», - шуэ со.

Улон сюрес адямиез кытчы гинэ уг вутты. Зилаир ёросын улӥсь Г. Шакирова Выль Зирган гуртэ бызем. Кыӵе гинэ ужын мед ужалоз, фермаын скал кыске-а, столовойын пӧзьтӥське-а, эмъюртын санитаркалэсь ужзэ быдэсъя-а, Гильнаур Шакировна тыршись луэменыз висъяськем. Солэн ужезлы котьку вылӥ дунъет сёто вылэм. Ӟеч ужамез понна солы вакытаз Акъярын квартира но сётӥллям.

Зӥбыт сямо, сабырлы. Та кылъёс Маняпайлы тупало. Улонэзлэсь бадӟым люкетсэ со хайбулла музъемын ортчытэм, «Вордӥськем шаер ноку уг вуны вылэм, пинал дырысь эшъёс но котьку малпанам уло», - шуэ арлыдо песянай.

Туспуктэмез Алексей Самирзяновлэн.