Виктория лушкемен викышъяса ульчае потӥз. «Кыӵе умой, тынад мамаед котьку вӧзад, - вераськыны кутскиз со азбарысьтыз ӵуж чипыен. – Со тонэ ноку огнадэ уг кельты. Чик шутэтскемез уг поты шат солэн? Паймисько, кызьы со уг жадьы? Тӥни тӥ кӧня!!! Нош мон огнам. Агайёсы бадӟымесь ни…»
Со куспын ульчаын кин ке туж юн кеськиз: «Вика-а-а! Вика-а-а-а!» Озьы сое эшъёсыз шудыны потыны ӧтьыса вуиллям. Виктория шумпотыса соослэн азязы бызиз. «Катя, Валя, тодӥськоды на-а, тӥ кылем арын вордӥськем нуналам мон доры шудыны лыктӥды вал? Нош мынам агай тӥледыз пӧяса лэзиз, мон шудыны но уг поты, вордӥськем нуналме но уг пусйы шуиз. Асьсэос ӝытазе корка тыр куно люказы. Мон соку азбарын кема огнам шудӥ. Тӥ но отын луысалды ке…» - малпаськыса сямен вера Вика. Кӧня ке шудэмзы со малпаськись тусо кариськыса веранзэ нош ик азинтӥз: «Нылъёс, тӥ кыӵе шудоесь! Тӥляд вордӥськем нуналды толалтэ бере, анайды но дорады луэ. Нош мынам туэ шутэтскыны кошке. Со понна шутэтскон но эшъёсыз нылызлэн вордскем нуналызлэсь дуногес».
Олеся САДЫКОВА.
Туспуктэм интернетысь басьтэмын.