Вераны кулэ, со дыре та проект нырысетӥ вамышъёссэ гинэ лэсьтэ вал. Аръёс ӵоже та проектэн пайдаяськыса, калыклэн малпанъёсызлы дурбасьтыса, калыклэн юрттэменыз, Вылысь Балтач, Улысь Балтач, Бигиней гуртъёсын урамъёсысь сюресъёс тупатӥськизы. Та проект пожарной машиналы гараж лэсьтыны, МТЗ-82.1 трактор басьтыны но юрттӥз.
Али гуртъёсын 2022-тӥ арын ППМИ проектэ пыриськонлы сӥзем собраниос радъясько. Куинетӥ декабре Улысь Балтач гурт поселение пырись Дубовка гуртын собрание ортчиз. Дубовкаос гуртэ пырон сюрессэс, урамзэс тупатыны мылкыд каремзэс веразы. Со сяна, мукет ужпумъёс но ӝутэмын вал. Кыӵе сюлмаськытӥсь уж понна тужгес трос куара сётозы, сыӵе уж борды ик басьтӥськозы. Соиз ини тодмо луоз йылпумъян собраниын.
Фото: https://vk.com/feed?w=wall407126304_283