Атайёслэн форумзы ортчиз

Таяз ужрадэ куинь гуртъёсысь атайёс пыриськизы. Выль Зирганысь (отын удмуртъёс но уло) атайёс но соос пӧлын луизы. Соос семья кусыпъёсты юнматон, нылпиосын капчиен огкыл шедьтон амалъёсынызы люкиськизы. «Форумын Выль Зирган школаез возьматӥзы куать атайёс но одӥг песятай. Соос яркыт адӟытыны быгатӥзы, атай нылпилэн улоназ валтӥсь инты басьтэ шуыса. Форумын соосты ужрадэ пыриськемзы понна сертификатъёсын пусйизы», - гожтэ вотэс бамаз Выль Зирган школалэн директорез Галиахмет Рахметов.

Фото: https://vk.com/id201230821?z=photo-196124700_457239183%2Fwall201230821_1102