Ошмес
-5 °С
Салкым
Антитеррор
Вань иворъёс
Общество
19 ноябрь , 16:15

Налогъёсты дыраз тыроно

Налогъёсъя федерал служба ивортэ: 2020-тӥ ар понна налогъёсты нырысетӥ толсурозь тыроно.

Налогъёсты дыраз тыроно

Туала технологиос имущественной налогъёсты дорысь потатэк но тырыны луонлык сёто. Со понна куинь амалъёсын пайдаяськыны луэ.

Банклэн мобильной приложениез пыр

Мобильной банке пырыса, «Платежи» быръёно, собере – «Оплата по QR или штрих-коду». Извещение бордысь кодэз сканировать кароно.

«Госуслуги» сайт пыр

«Госуслуги» сайтэ пырыса, «Мои налоги» разделэз шедьтоно. Отчы карталэсь даннойёссэ гожтыса, налогез тырыны луэ.

Налоговой службалэн сайтэз пыр

Налоговой службалэн сайтаз вань «Личной кабинет налогоплательщика»: lkfl2.nalog.ru. Отчы пырон понна «Госуслуги» сайтын регистрация ортчоно. Со сяна, та сайт пыр мукет пайдаё ужъёсты лэсьтыны луэ. Кылсярысь, эскерыны быгатӥськоды, вань-а банкъёсын ворсамтэ счётъёсты. Татын ик декларация сётыны, налоговой вычет басьтыны луэ. 

Налогъёсты тырымтэ понна ма луоз?

Нырысетӥ толсурозь налогъёсты тырымтэ ке, 2-тӥ толсуре тӥ пунэмо адями луоды. Нуналлы быдэ пунэмды йылоз: пунэмлэн быдӟалаезъя 0,025% пеня ватсаське. Кылсярысь, 1000 манет пунэмды ке, со вылэ нуналлы быдэ 25 коньылы будэ, толэзяз - 7,5 манет.

Адямилэн дас сюрс манетлэсь трос налогез тырымтэ ке, со кунгож сьӧры потыны уз быгаты. Солэсь имуществозэ арестовать карыса, вузаны но быгато.

 

Фото: открытый источник

 

Автор:Миляуша Булатова