Ошмес
-5 °С
Салкым
Антитеррор
Вань иворъёс
Общество
18 ноябрь , 11:10

Йӧ вылтӥ ветлӥсь нылэз кезьыт ву пушкысь поттӥзы

Уфаын сизьым аресьем ныл йӧ улэ кошкем. Шудтэм учыр Якутов нимо паркын Солдатский ты вылын луэм.

Йӧ вылтӥ ветлӥсь нылэз кезьыт ву пушкысь поттӥзы

БР-я МЧС-лэн ивортэмезъя, пичи нылэз мозмытӥз Уфаын улӥсь Денис Наумчик. Со паркетӥ кузпалыныз но нылпиосыныз юмша вылэм. Ярдурлэсь ог 20 метр кемын йӧ вылтӥ мынӥсь пичи ныл шӧдтэк шорысь йӧ пушкы кошкем. Денис ныл доры дыртэм. Ачиз но ву пушкы пыроно луэм ке но, со ныл доры вуэм но соин ӵош ярдуре потэм. Котмем но кышкам нылэз доразы нуиллям. Отысен ни нылашлэн анаезлы но МЧС-э ивортӥллям. 

Кызьы тодмо луиз, вуысь мозмытэм ныл бадӟымъёстэк паркетӥ ветлэ вылэм. Сое больницаын эскеризы, отысен сое анаез басьтӥз. Башкирысь МЧС пиосмуртлы награда сётыны малпа.

Туспуктэм: Администрация Уфы

Йӧ вылтӥ ветлӥсь нылэз кезьыт ву пушкысь поттӥзы
Автор:Анна Байдуллина