Бирск ёросын юсьёсты быронлэсь утьыны туртто

Со сярысь ивортӥзы со палан улӥсьёс вотэс бамъёсазы, верало ЦУР Башкортостана-ын. 

Ивор вуттэмын ёрос администрацие. Ты дуре вуылӥзы республикаысь Минэкологилэн территориальной комитетаз но Бирск ветстанциын ужасьёс.

Специалистъёслэн верамзыя, юсьёс ты вылын уяны быгато ке, соослы номыр кышкытэз ӧвӧл.  Ву вылэ йӧ кылдытозь арня дыр кылиз на. Отчыозь но юсь семья лобӟыны ӧз ке малпа, экологъёс но ветеринаръёс соосты шуныт интые интыялозы. Юсьёс минус 15 градусозь кезьытэз но чидало. Соин соос понна кынмозы шуыса сюлмаськонэз ӧвӧл. Адямиослэсь юрттэтсэс тылобурдоос сӧсырмемын ке гинэ кулэ каро.