Александр Невский князьлы сӥзем ужрад

Та нуналлы сӥзьыса, Янаул ёросысь Вуж Вараш модельной библиотекаен кивалтӥсь Марина Хисамутдинова егитъёс пӧлын «Имя России - А. Невский» шудон-викторина ортчытӥз.

Ужрадын егитъёс ӟуч князьлэн но полководецлэн улэменыз, подвигъёсыныз, 800 ар талэсь азьло Россиын ортчем событиосын тодматскизы. Со сяна, пиналъёс тематической шудонэ но мыло-кыдо пыриськизы. Шудонлэн юанъёсыз Александр Невскийлэн подвигъёсызлы, солэн улон сюресэзлы но со вакытысь историлы сӥземын луизы. Викторина «Верю, не верю» шудон выллем ортчиз. Отын нылъёслэн «Смельчаки» но пиослэн «Отважные» командаоссы кужымзэс эскеризы. Шудонын тросгес баллъёс люкаса, пиослэн командазы вормисе потӥз. Викторинаын вормисьёсты синпель кузьымъёсын пусйизы. Ужрад К. Симоновлэн «Ледовое побоище» поэмалэсь люкетсэ лыдӟонэн йылпумъяськиз.

Туспуктэм: https://vk.com/public190877043?z=photo-108940053_457241896%2Fwall-190877043_975