Ошмес
-5 °С
Салкым
Антитеррор
Вань иворъёс
Общество
15 Октябрь , 10:50

Ноябрь толэзе огез бӧрсьы огез ньыль шутэтскон нунал луоз

Вуоно толэзе нош ватсаса шутэтскон нуналъёс витё.

Ноябрь толэзе огез бӧрсьы огез ньыль шутэтскон нунал луоз

Вуоно толэзе нош ватсаса шутэтскон нуналъёс витё. Мугез - Калыкъёслэн огазеяськон нуналзы матэктэ.

Шутэтскон нуналъёс кузятӥсько праздниклэн четверг нуналэ тупамысьтыз. Ужаны мыноно уз луы пятницае но. Нош 3-тӥ ноябре ужысь одӥг часлы вазьгес кошкыны луоз. Удалтоз ноябрь толэзьлэн кутсконаз отпуске потыны малпасьёслы но, праздник нуналъёсын сэрен отпусксы кузёмоз.

Калыкъёслэн огазеяськон нуналзы кун праздникен лыдъяське. Сое арлы быдэ 4-тӥ шуркынмонэ пусъё. Та нуналэ ортчо пӧртэм акциос, концертъёс но мукет ужрадъёс.

Вуоно арлы поттэмын ни производственной календарь. Сое учконо ке, Выль арын шутэтскон нуналъёс 1-9 толшоре луозы. Ужаны ум ветлэ 31-тӥ толсуре но, табере со шутэтскон нунал каремын. Май праздникъёс 30-тӥ апрельысен 3-тӥ маёзь но 7-10 маёзь кыстӥськозы.

Фото: gps-ur.ru

 

Автор:Анна Байдуллина