Вуж Варашын субботник ортчиз

Вуж Вараш гурт поселениын урамъёсысь но, социальной учреждениос котырысь но жуг-жаг уд шедьты. Та ласянь бадӟым уж нуо гурт поселениын, культура юртын, библиотекаын, ФАП-ын, почтаын ужасьёс. Соослэн ужан интызы уго тужгес адӟиськись, калык ветлоно инты. Ӵем гинэ соос, куспазы кенешыса, субботникъёсы потало. Алигес ортчемаз культура юрт дорысен гурт поселение дорозь ву бызись гумыослы траншея гудӥзы. Ужзы лымшорозь кыстӥськиз.