Туризмез азинтонын Башкирия кыкетӥ интыын луэ

Алигес эскеронъёслы йылпумъянъёс лэсьтӥзы. Рейтингын Башкортостан кыкетӥ интые потӥз. «Туризмез азинтонын Москвалэсь одӥг вамышлы гинэ бере кылиськом, - гожтэ вотэс бамаз БР-лэн Тӧроез Радий Хабиров. – Азьпалан – кык эскерон этапъёс. Ростуризмлэн огъя йылпумъянъёсызъя лыдпусъёсты учкомы-тодомы. Таӵе эскеронъёс ужез тужгес азинлыко радъяны юртто».

Туэ куать толэзь куспын Башкортостанэ 1,9 миллион туристъёс вуылӥзы. Этнотуризм, экотуризм, круизной шутэтскон, медицинской, социальной но нылпиослэн шутэтсконзы республикаямы туризмез азинтонлэн инъетъёссы луозы. 2035-тӥ арозь регионысь городъёсын но ёросъёсын 75 визит-центръёс кылдытыны, республикаямы вуылӥсь туристъёслэсь лыдзэс араз вить миллионозь вуттыны чакламын.