Ӵуказеысен куинь нунал ӵоже республикалэн котькуд сэрегаз быръёнъёс ортчозы.
Тужгес валтӥсез но тунсыкоез, мае тодыны кулэ быръёнъёс сярысь:
Госдумае ваньзэ 450 депутат быръёзы. 225-эз соос пӧлысь партийной списокъя мынозы – яратоно партимы понна галочка пуктоно луоз. Макем трос адями быръёнъёсы мыноз, сокем тросгес инты луоз регионысь депутатъёслы Госдумае. Башкириысь мандатъёс понна 14 политической партиос нюръяськозы.
Кыкетӥ люкетэз — «одномандатникъёс». Таӵе дыръя куарамес нимысьтыз адямиослы сётӥськом. Вормоз тужгес трос куара люкам кандидат. Башкириын куать одномандатной округъёс. Соин депутатъёс но куать луозы. Нош со понна нюръяськозы 59 кандидатъёс.
Башкириын котькуд пӧртэм бюллетеньёсты быдэн 3 030 100-эн печатлазы. Соос пӧлын 742 900-эз - КОИБ-ез уже кутыса ачиз лыдъясь бюллетеньёс. Со сыӵе сканер, кудӥз галочка пуктэмез лыдӟе но быръёнъёс бере ачиз йылпумъян сётэ.
Быръёнъёсы котькудӥз лыктэмлы нимаз ручка, маска, перчатки сётозы. Киез сётыса ӟечбуръяськыны уг яра. Вань ӝӧкъёс ньыль часлы быдэ дезинфицироваться кариськозы. Участоке температураен адями ке вуиз, солы бырйыны нимаз лэзёзы. Солэсь бюллетеньзэ лыдъян азьын дезинфировать карозы.
Кӧня калык лыктоз?