Быръён-2021 Башкортостанын. Тужгес валтӥсез но тунсыкоез

• 17-тӥ, 18-тӥ но 19-тӥ куарусёнэ Госдумаысь депутатъёслэсь выль составзэ бырйиськом.
• Куинь округъёсын Госсобрание депутатъёс быръёзы.
• Уфаын, Белорецкын, Бирскын, Уфа ёросын но Юматово гурт поселениын интыысь Кенеше депутатъёс быръёзы.
• Тросаз городъёсын но ёросъёсын Кенешъёсы депутатъёсты ватсаса быръён ортчоз.

Ватсаса быръён — со куке быдэс состав уг бырйиськы, мукет интые кошкем яке мукет муген полномочиоссэ куштэм депутат интые выль адями юнматон.

Улон интыдэс чакласа, быръён участокын сётозы кык-ньыль бюллетень. Кыкез соос пӧлысь - Думае быръёнъёсъя.

Госдумае ваньзэ 450 депутат быръёзы. 225-эз соос пӧлысь партийной списокъя мынозы – яратоно партимы понна галочка пуктоно луоз. Макем трос адями быръёнъёсы мыноз, сокем тросгес инты луоз регионысь депутатъёслы Госдумае. Башкириысь мандатъёс понна 14 политической партиос нюръяськозы.

Кыкетӥ люкетэз — «одномандатникъёс». Таӵе дыръя куарамес нимысьтыз адямиослы сётӥськом. Вормоз тужгес трос куара люкам кандидат. Башкириын куать одномандатной округъёс. Соин депутатъёс но куать луозы. Нош со понна нюръяськозы 59 кандидатъёс.

Башкириын котькуд пӧртэм бюллетеньёсты быдэн 3 030 100-эн печатлазы. Соос пӧлын 742 900-эз - КОИБ-ез уже кутыса ачиз лыдъясь бюллетеньёс. Со сыӵе сканер, кудӥз галочка пуктэмез лыдӟе но быръёнъёс бере ачиз йылпумъян сётэ.

КОтькуд партия но кандидатъёс толэзь пала агитационной ужзэс нуизы ни, бырйисьёсын пумиськылӥзы, дебатъёс ортчытъязы. Тӥлесьтыд соос палэнтӥ ке ортчизы,  интернет пыр, адрестэс гожтыса, кандидатъёстэс учкыны быгатоды. Участоктэс Госуслугиын «Мои выборы» ёзэтэ пырыса яке ЦИК Россиилэн сайтысьтыз учкыны луоз.

Башкириын 1389 участокын чаклан камераос юнматозы. Соос куинь нунал ӵоже быръёнъёсыз гожтыса мынозы.

Сизьым регионын эоектронной голосование чакламын - Госуслуги пыр. Башкириын таӵе луонлык ӧвӧл на туэ.

Быръёнъёсы котькудӥз лыктэмлы нимаз ручка, маска, перчатки сётозы. Киез сётыса ӟечбуръяськыны уг яра. Вань ӝӧкъёс ньыль часлы быдэ дезинфицироваться кариськозы. Участоке температураен адями ке вуиз, солы бырйыны нимаз лэзёзы. Солэсь бюллетеньзэ лыдъян азьын дезинфировать карозы.

Кӧня калык лыктоз?

Политологъёслэн но социологъёслэн малпамзыя, туала улонын калык политикаен тунсыкъяське. Соин тросэз быръёнъёсы мынозы. Госдумае 20016-тӥ арын быръёнъёс дыръя участокъёсы 69,78% избирательёс лыктӥзы.