Татышлы ёрос администрациен кивалтӥсь Уразгильдыын улӥсьёсын пумиськылӥз

Уразгильдыос ёрос администрациен кивалтӥсьлы нырысь гуртэ пырон сюрессы пумысен сюлмаськонъёссэс веразы, сое тупатыны курыса вазиськизы. Гурт калыклэн верамезъя, сюреслэн уродэз тужгес юн шӧдӥське тулыс но сӥзьыл. Со сяна, татын фельдшерско-акушерской пункт пумысен но вераськон ӝутӥзы. «Гурт калык туала куронъёслы тупась выль модульной ФАП куре. Со школа яке нылпи сад вӧзы интыяськемын, пе, мед луоз», - гожтэ вотэс бамаз ёрос администрациен кивалтӥсь. Пумиськонын вуж фельдшерско-акушерской пунктэз тупатыны вераськизы. Нош выльзэ пунктон понна кун программаосы пыриськон сярысь кенешизы. Палэнэ ӧз кыльы егитъёслы шутэтскон интыен герӟаськем ужпум но. Татын клубзы пытсаськемын уго. Ёрос администрациен кивалтӥсь со бордын ужаломы шуыса вераз.