Качкин-Турайысь шаплы удмурт пи «Шундыкарын» шутэтскиз

Дас нунал куспын со отысь трос выль эшъёс шедьтӥз, тодон-валан люказ, удмурт тулкымын лэйказ.

Данила Ахметшин лагерьысь ӝутскем мылкыдын бертӥз. «Выль малпанъёсме быдэстыны трос кужым люкай. «Шундыкар» мон понна бадӟым семья выллем луиз. Смена ӵоже удмурт сюанын но луим, Герберын но шулдыръяським, квест пыр но ортчим. Лагерьын туж тунсыко вал. Вераме потэ одӥгез сярысь: лагерьын мыным куд-ог малпанъёсме ӟуч сямен верано луылӥз, малы ке шуоно Удмуртиысь эшъёсы асьмелэсь диалект кылъёсмес уг валало», - вера со. «Шундыкарын» Данила «Кибашлы» направлениын ужаз.