Зианчура ёросын нюлэс ӝуа

Ёрос администрациен кивалтӥсьлэн Дамин Юлановлэн кылъёсызъя, тылпуэз кысонын 200 адями тырше. Со сяна, отчы трос техника вуттэмын. «Тылпу кысонын волонтёръёслэн но ужзы бадӟым. Соос нырысь Казанка гуртысь школае люкасько, югдурен тодматскемзы бере уж борды кутско. Соослы пӧсь сиён радъямын», - гожэ Дамин Юланов.

Тылпу кысонэ Кумертауысь, Зилаир, Хайбулла ёросъёсысь но мукет интыосысь юрттэт вуэмын. Республикаысь кышкытлыкен нюръяськисьёс калыкез тылпуэн сак кариськыны куро. Со тужгес кышкыт та пӧсь нуналъёсы.

Фото: Зианчуринские зори