Тылпу музъем вылысь ваньзэ быдтэ

Башкортостанын нюлэсъёс ӝуало. Тылпу кысонын огъя 198 техникаос,1481 адями ужало. Со сяна, та уже 2000-лэсь трос волонтёръёс пырисько.

Нюлэс тылпуослэсь ӝутскемзэс эскерон бордын но пыр-поч ужъёс мыно. Куд-огез куазь ӵашйыса зоремен кылдэмын. Трос дыръя тылпу адямиослэн тылэн чакласькытэк выремзы бордысен потэ. Та муген ик юртъёс, ужан интыос но ӝуало.

Татышлы ёросысь прокуратура республикаысь Кышкытлыкъёслэсь утиськонъя министерствоысь ӧнерчиосын ӵош ёросысь куинь кун учреждениосын, кытын котыр сутка ӵоже уло нылпиос но арлыдоос, эскеронъёс радъяз. Эскеронъёс ортчытэм интыосын тылпулэсь утиськон куронъёс быдэсак уг чакласько. Учреждениосын кивалтӥсьёслы пичиесь янгышъёсты матысь дыре палэнтыны ӵектэмын. Ульчае тылпу кысон арбериос тупатон понна Башкортостанысь Семьяя, ужъя но калыкез улонын утёнъя министерствое заявкаос ыстэмын.

Куронъёсты тӥямзы понна кивалтӥсьёс кыл кутытэмын: соос куать сюрс манет штраф тыроно луизы.

Фидан ЯНГУРАЗОВ, Татышлы ёросысь прокурор.

Фото: открытый источник