Татышлы ёрос археологической памятникъёсын узыр

Кема ӧвӧл Татышлы ёросэ Уфаысь  Р. Г. Кузеев нимо Этнологической эскеронъёсъя институтысь тодосчиос, археологъёс вуылӥзы - Уразгильды но Шулган гуртъёс вӧзы вуылӥзы, отысь тунсыко интыосты эскеризы. Раскопкаос лэсьтыса, соос вашкала крепостьлэсь интызэ шедьтӥзы. Ӧнерчиослэн кылъёссыя, эскеронъёс дыръя шедьтэм арбериосъя тодыны луэ, городищелы 1500 арлэсь ятыр. Со герӟаськемын Бахмутинской культураен.

Тодады вайытӥськом, туэ Татышлы ёрослэн администрациез но Р. Г. Кузеев нимо Этнологической эскеронъёсъя институт ӵошен ужан сярысь огкыл кутӥзы. Татышлы музъемын экспедициос радъяськозы. Сыӵе луонлыкъёс сётэ «Древности Татышлинской земли» проект. Проектэз Уфаысь Р. Г. Кузеев нимо Этнологической эскеронъёсъя институтлэн археологической ваньбурлыкъя ёзэтаз ужасьёс дасязы. Проект «Лукойл» ПАО-лэн Социальной но культурной проектъёсъя конкурсаз вормисе потӥз.

Фото: https://bash.news/news/156917-v-bashkirii-nashli-gorodishche-vozrastom-bolee-1500-let