Максимысь школа пиналъёсты югыт но шуныт классъёсыныз пумиталоз

28-тӥ июльын Янаул ёросысь Максим гурт поселение командировкае вуылӥм. Со нуналэ гурт поселенилэн администрациеныз кивалтӥсен А. А. Хузинэн пумиськылӥм. Альмир Альфитович гурт поселениязы быдэстӥськись ужъёс сярысь вераз. Гуртысьтызы школаязы «Реальные дела» проектъя тупатъяськон ужъёс мыно шуыса но пусйиз. Та нуналъёсы бадӟым уж йылаз-пумаз вуттэмын. Нырысетӥ сентябре школа пиналъёсты югыт классъёсыныз пумиталоз.

«Ужамы «Реальные дела» проект бадӟым юрттэт луэ, - вера Альмир Альфитович. - Вераны кулэ, огъя быдэстоно ужъёсы калык мыло-кыдо пыриське. Шур, ӵыпет, ошмес дуръёсты утялтонлы саклык висъяське. «Чистые берега», «Зелёная Башкирия» акциосы трос адями пыриське. ППМИ проектэ но арлы быдэ пыриськиськом. Ваньзылы бадӟым тау кылъёсме верасько».