«Усточикар» лагерь ӧсъёссэ усьтӥз

Гудырикошконэз республикаысьтымы нылпиос чидатэк витё. Та вакытэ Башкортостанысь усточи удмурт пиналъёс понна «Усточикар» лагерь усьтӥське.

Но, алясь висёнэн сэрен, кылем арын со нылпиосты ӧз пумита. Туэ но «Усточикарлэн» радъяськонэз пумысен трос юанъёс кылдӥзы. Озьы ке но туннэ, 10-тӥ гудырикошконэ, со нылпиослы ӧсъёссэ усьтӥз.

«Усточикар» лагерь, мукет аръёсын ӵошатыса, туэ трослы аспӧртэмгес радъяське. Отын Татышлы ёросысь 36 пиналъёс гинэ шутэтско. Таӵе воштӥськонъёс нылпиосты алясь висёнлэсь утёнэн герӟаськемын. Лагерьын нылпиос куинь пӧртэм ӧръёсъя – «Фольклор», «Эстрада» но «Суредаськон» - быгатонлыкъёссэс волятозы. Пиналъёсын Татышлы ёросысь ӧнерчиос ужалозы. Лагерь 10 нунал кыстӥськоз.

Туспуктэм редакцилэн архивысьтыз басьтэмын