Кургакъёс данъясько вордскем гуртэнызы

Калтасы ёросысь одӥгез егитэз удмурт гурт Бадӟым Качак гурт поселение пыре. Туэ солэн кылдэмез дырысен 260 ар тырмиз. Сизьыметӥ гудырикошконэ Кургак котырес лыдпуссэ пусйиз. Гуртлэн нуналаз трос калык люкаськиз. Отчы Уйпалась,Свердловск улосвылысь, Удмурт Элькунысь, республикамылэн пӧртэм сэрегъёсысьтыз куноос вуэмын вал. Соос пӧлысь тросэз анай-атайзы, ӵыжы-выжыоссы доры бертӥллям. Шоразы учкыса шӧдӥське: та нуналэ соос ваньзы гурт калыксылы, кивалтӥсьёслы таӵе бадӟым пумиськон радъяны юрттэмзы понна тау каро. Нош али отысь кӧня ке туспуктэмъёсын тодматскыны ӵектӥськом.