Эмезь, сутэр, сьӧд палэзь…

Медицина наукаосъя кандидат, терапевт Римма Мойсенко «Радио-1» каналлы интервью сётӥз. Отын со коронавирусэн висемъёслы мугорзэс кыдатыны, кужым люканы юрттӥсь будосъёс сярысь но вераз.

Эмчилэн кылъёсызъя, висёнэз пыр потэм адямилы одно ик витаминъёс (полипренол, полифенол) кулэ. Соос тужгес трос пумисько емышъёсын. Сиёно эмезь, сьӧд палэзь, сутэр, льӧм, горд сутэр…

Со сяна, эмчи ӵектэ: сиёнын клетчатка трос мед луоз. Соос убо вылысь будосъёсын пумисько.

9-тӥ августэ 11 часэ Башкортостанын 50612 адямилы "коронавирус" диагноз пуктэмын. Со пӧлысь 46223-ез веськам. Берлось сутка ӵоже республикаын 41 адями коронавирусэн черлам.