Башкортостанын будэ арахис

Пичи дыръям садамы льӧмпуос но кызьпуос будо вал. Эмезьлы гинэ но нюлэскы ветлоно луэ вал. Бускель гуртын - Выль Татышлыын - соку ик улмопу будэто вал ини. Соослы сыӵе вожъяськисько вал, асьсэлэсь улмозэс сиыны быгато шуыса. Сыӵе дыръёс кемалась ортчизы ни. Али садъёсысь улмопуэн нокинэ но уд паймыты. Ма гинэ уг будэто туала вакытэ Башкириын улӥсьёс садъёсазы но бакчаосазы. Емыш сётӥсь писпуослэсь, куакъёслэсь асьме паллы тупась сортъёссэс басьтӥд ке, тол вылтӥ кынмозы шуыса кышканэз ӧвӧл.

Янаул ёросысь Арка (Вылысь Барабановка) гуртын улӥсь Венарий Васиуллин туэ тулыс арахис сиыкуз кӧнязэ ке музъеме согем. Музъем мульыез потэм, кузёзэ али чебер куаръёсыныз шумпоттэ. Венарий сӥзьыл картошка октон вакыт музъем мульы но жильдоз, дыр. Табере магазинысьсэ уз - аслэсьтыз будэтэмзэ.