Россиын улӥсьёслэн паспортазы кузпалъяськем но нылпиос сярысь пусъемын уз луы ни

Россиын паспортысь кузпалъяськемез но нылпиосты пусъёнэз дугдытозы. Россиысь гражданинлэн паспортаз даннойёс пыртонэз воштон сярысь постановление улэ туннэ гожтӥськиз премьер-министр Михаил Мишустин.

Выль правилоосъя кузпалъяськем, люкиськем, азьвыл басьтэм, загранпаспорт, ИНН, вирлэн группаез но резус-факторез сярысь даннойёс ужкагаз кузёлэн мылкыд каремезъя пуктӥськозы. Нош улон инты, отысь учётысь куштон, воинской обязанность сярысь штампъёс озьы ик кылёзы.

Фото: "Башинформ".