-3 °С
Салкым
Антитеррор
Вань иворъёс
Новости
6 апрель 2022, 19:01

Башкортостан Республикалэн Тӧроез Радий Хабиров ӟуч кылысь "толерантность" кылэз быдтыны ӵектӥз

Башкортостан Республикалэн Тӧроез бордысь калыкъёслэн кусыпъёссыя Кенешлэн заседаниез ортчиз. Отчы республикалэн тӧроез Радий Хабиров пыриськиз.

Башкортостан Республикалэн Тӧроез Радий Хабиров ӟуч кылысь "толерантность" кылэз быдтыны ӵектӥз
Башкортостан Республикалэн Тӧроез Радий Хабиров ӟуч кылысь "толерантность" кылэз быдтыны ӵектӥз

«Куинь ар талэсь азьвыл «Россия и исламский мир» сессиын ӟуч кылысь «толерантность» кылэз быдтыны куронэн вазиськи», - вераз Радий Хабиров. Республикалэн тӧроезлэн кылъёсызъя, Башкортостанысь калык ог-огзэ чидаса уг улы, соос кемалась дырысен ог-огенызы эшъясько. «Республикаысьтымы башкиръёс, ӟучъёс, бигеръёс, поръёс пичиысен ӵошен будо. Соос огазьын шудо, дышетско, кузпалъясько, - вераз Радий Хабиров. – Куинь ар талэсь азьвыл мон уг тодӥськы на вал, асьмелэн калыкмы кияз пыӵал-тӥрлык кутыса шаермес утёз шуыса. Туннэ спецоперацие ӟучъёс, чеченъёс, башкиръёс но мукет калыкъёс пырисько. Та секыт вакытэ асьмелы ӵошен луоно, ог-огмылы юрттыны тыршоно».

Туспуктэм интернетысь басьтэмын.

Автор:Оля Нигаматуллина
Читайте нас: