Бадӟым туганеевоос Вӧй келянын шулдыръяськозы

Калтасы ёросын «Трезвое село» республика конкурсэ пыриськонъя комиссилэн заседаниез ортчиз.Туэ отын ёрослэсь данзэ Бадӟым Туганеево утёз.

Заседаниын азьланяз ортчытоно ужрадъёс пумысен вераськизы. Куартолэзёзь культураез, спортэз азинтон ласянь трос ужъёс быдэстоно луоз. Нимысьтыз саклык висъяськоз гурт калыкез тазалыко улонэн эшъяськытонлы. «Вакчи дыр куспын куамынлэсь трос ужрадъёс ортчозы. Отчы пичиос но, бадӟымъёс но мыло-кыдо мед пыриськысалзы, - вера Тюльди гурт поселениысь егитъёсын ужанъя ӧнерчи Светлана Каташова. – Та вакытэ пӧртэм интыосын улӥсь улосчиосынымы, мукет ёросъёсын но гурт поселениосын ӟеч кусыпъёс тупатыны тыршомы. Одӥгез бадӟымез ужрадмы – Вӧй келян – ньылетӥ мартын ортчоз».  

Туспуктэм интернетысь басьтэмын.