"Ошмес" газетлэн кубокез понна волейболъя ӵошатскон ортчиз

Отчы Татышлы ёросысь Улысь Балтачысь но Выль Татышлыысь, Пермь шаерысь Куеда ёросысь Бадӟым Гондырысь но Кипчакысь дышетскисьёс пыриськизы. Ӵошатсконэ огъя укмыс командаос люкаськизы. Нылъёс Выль Татышлыысь спортзалын шудӥзы. Отын нырысетӥ интые потӥз Выль Татышлыысь нырысетӥез команда. Кыкетӥ интыын – Бадӟым Гондырысь нылъёс, куинетӥын – Выль Татышлыысь кыкетӥез команда.

Тужгес ӟырдыт нюръяськон пуромиз пиос пӧлын. Кужмогес луиз Выль Татышлыысь нырысетӥез команда. Кыкетӥ интые потӥз кузёослэн нырысетӥез командазы. Нош куинетӥ интыын луиз Кипчакысь команда. Ӵошатсконысь устоосыз шудӥсьёс Улысь Балтач гурт поселенилэн администрациезлэн но Татышлы ёросысь егитъёслэн политиказыя но спортъя ёзэтэзлэн синпель кузьымъёсыныз данъямын. Ӵошатскон коронавирусэн нюръяськонъя вань куронъёсты лыдэ басьтыса ортчиз.