Спортлэн пӧртэм видъёсаз кужмо

– Дорын но тренироваться карисько, - вера Надежда. – Кылем арын «Грация» командаенымы Уфаын ортчем чир спортъя республика ӵошатсконъёсы вуылӥмы. Отысь кыкетӥ интыен бертӥмы. Командамылы кубок сётӥзы, нош милемлы - отчы пыриськемъёслы – медальёс но грамотаос. «Грация» командамы ёросамы ортчоно ужрадъёсы но ӵем пыриське. Отын но вормисьёс пӧлын луиськом.
Шудек школаын куатетӥ классын дышетскись нылаш школалэн баскетболъя командаяз но шудэ. Алигес со командаеныз Янаулын ортчем «КЭС-БАСКЕТ» ёрос ӵошатсконэ пыриськиз. Отын нылъёс кыкетӥ инты утӥзы. Со сяна, Надежда капчи атлетикалы но дыр шедьтэ, дышетсконын но матысьёссэ ньыльёсын-витьёсын гинэ шумпоттэ.
- Надя школа ужрадъёсы но мыло-кыдо пыриське. Со азьветлӥсь, усто эктэ, сценарийёс дасяны быгатэ, дышетскисьёсын огкыл ӝог шедьтэ, - вера классэн кивалтӥсьсы Инзиля Минликаева.
Надеждалэн шыкысаз кызьлэсь трос медальёсыз люкаськемын ни. Оскиськом, азьпалан соос эшшо но тросгес луозы на.

Туспуктэмез Алексей САМИРЗЯНОВЛЭН.