Балтач ёросын НКЦ-лэн филиалэз усьтӥськиз

Башкортостанысь удмуртъёслэн национально-культурной центрзы удмуртъёс тросэн улоно ёросъёсын филиал усьтон ужзэ азинтэ. Туннэ, 22-тӥ декабре, НКЦ-лэн филиалэз Балтач ёросын усьтӥськиз. Ужрад Асавка гуртын ортчиз. Филиаллэн кенешаз вить адями быръемын. Филиалэн кивалтонэз гуртысь библиотекарьлы Светлана Миндияровалы оскизы.

Собрание пыриськизы Балтач ёрос администрациен кивалтӥсьлэн социальной ужпумъёсъя но кадръсын ужанъя воштӥсез Инзиля Гасимьянова, Тошкур гурт поселенилэн администрациеныз кивалтӥсь Булат Аглямов, НКЦ-лэн кивалтӥсезлэн воштӥсез, Татышлы ёросысь Выль Татышлы гурт поселенилэн администрациеныз кивалтӥсь Николай Рахимьянов, Выль Татышлы школалэн директорез Рудольф Гафуров но Асавкаын улӥсьёс.