Улонэд ошмес син кадь мед пӧзёз

Та чебересь чуръёсты Балтач ёросысь Асавкаысь Владимир Рашитович Галиевлы вераськом. Туннэ, 15-тӥ шуркынмонэ, со котырес лыдпуссэ пусъе – 50 арес  тырмон юбилейзэ. Аръёс ортчо, соослэсь быземзэс тон шӧдытэк но кылид, дыр. Тынад трос дырыд юрт котырысь пӧртэм ужъёсты быдэсъяса, семьяед сярысь сюлмаськыса ортчиз. Тон – данъяськымон пи, оскымон кузпал, куать нылпиос понна гажано аткай, внукъёсыд понна – яратоно ӵужатай. Тон вань сюлэм шуныттэ милемлы жалятэк сётӥськод, ми шумпотыса мед уломы шуыса тыршиськод. Нош мӧзмон дыръёсамы ми, бадӟымъёсыз нылпиосыд, котьку тынэсьтыд небыт куарадэ, шулдыр арган гурдэ тодамы ваиськомы. Соку ми асьмеды аткаймылэн кужмо бурд улаз выллем шӧдӥськом.

Ортчемын ӝыны даур. Арлыдэныд ӵош шудэд мед будоз, шумпотон эшед мед луоз. Зоро-пильмо нуналъёс сярысь шундыё нуналъёсыд тросгес мед луозы. Улонэд ошмес син кадь мед пӧзёз, жадёнэз эн тоды, котькыӵе ужед мед пӧрмоз. Сӥзиськом тыныд юн  шудо кузь гумыр, дуннелэсь вань чеберзэ но шулдырзэ!

Анаед, кузпалыд, нылпиосыд Виктория-Виктор; Элита-Валера, Диана-Руслан, Радмир, Кирилл но Азалина, внукъёсыд Анна, Елизавета но Даниил.