«Берло вакытэ онлайн банке пырады-а?» - юа тодмотэм нылкышно. Юанэзлы валэктон сётыса ӧй вутты, со кыӵе банклэн матысь офисэз пумысен вераны кутскиз. Егит нылэз пумозяз ӧй кылзы ни. Тодӥсько, картаям коньдонэ ӧвӧл, уждунме ӧз выжтэ на. Озьыен, лушкаськисьёс дырзэс юнме быдтозы...
Та выллем учыръёс туала вакытэ ӧжыт уг пумисько. Интернет вотэсъёстӥ калгыса, тодӥ: Башкортостанын, кылсярысь, одӥг сутка вить адямиосты интернет пыр вуз басьтыкузы пӧяллям, ньыльзэ – банкын ужасьёс жингырто шуыса.
Уфаысь полицилэн сизьыметӥ номеро ёзэтаз 43 аресъем нылкышно жингыртэм. Солы банкын ужась, пе, жингыртэм. Со тодмотэм адямиос нылкышнолэн нимыныз кредит басьтыны малпало шуыса ивортэм. Пӧяськисьёс кышномуртэз ассэ кредит басьтыны куриллям. Собере коньдонэз мукет счётэ, пе, выжтоно. Нылкышно 71 сюрслэсь трос коньдонзэ ыштэм. Таӵе амалэн ик Октябрьскийын улӥсез но пӧяллям. Со 790 сюрслэсь трос коньдонэныз люкиськем.