Башкортостанысь чеберай «Королева Евразии-2021» калыккуспо конкурсын вормиз

Конкурс Турциын ортчиз. Со 6-тӥ шуркынмонэ йылпумъяськиз. Отын Евразиысь 28 странаосысь но регионъёсысь чеберайёс кужымзэс эскеризы. Башкортостанлэсь данзэ «Мисс Республика Башкортостан-2020» республика конкурсын вормись Альбина Шайхлисламова утиз. Республикаысьтымы чеберай Гран-прилэн кузёез луиз. Со сяна, со «Мисс зрительских симпатий» номинациын вормисе потӥз. Егит ныллы 22 арес, со БГМУ-ын дышетске, ковид-госпитальын медсестра луыса ужа.