Янаул ёросысь Андреевкае выль ФАП пуктыны кутскизы

Тодады вайытӥськом, ар пумозь татын соос куать гуртъёсын усьтӥськозы. Та нуналъёсы Андреевкаын ФАП ӝутонэн герӟаськем ужъёс кутскизы.

Андреевкаысь фельдшер Зифина Гизитдинова 192 адямилэсь тазалыксэ эскере. Соос пӧлысь 16-ез нылпиос луо. Гуртын коронавирусэн нюръяськон ласянь ужъёс но нуисько. Фельдшерлэн кылъёсызъя, гуртын улӥсьёс пӧлын пӧртэм малпанъёс кылдэмын. Тазалыксэ утён понна кин ке прививка пуктэ, кинъёс ке солы пумит луо. Озьы ке но гурт калыклэн 50 процентлэсь тросэз вакцина пуктӥз ни. 

Фото: https://vk.com/public190181072