Дорады йыгаське лыдъясь-чотась

Нырысьсэ со 2010-тӥ арын ужаз. Соку сое «За активное участие во Всероссийской переписи населения 2002 года» гадьпусэн данъязы. Фаниля Фанисовна туэ ньыль гуртъёсын ужа. Со пӧлысь одӥгез – Канлы - удмурт луэ. «Ужме кыдёкысь Ахлыстино но Керенево гуртъёсысен кутски, - вера лыдъясь-чотась. – Зэм, Канлыысь калыкез но лыдъяны-чотаны вутски ни. Бадӟым ужрадэ тросэз телефон пыр пыриськизы, малы ке шуоно туала вакытэ адямиосты алясь висён кышкатэ».

Фаниля Фанисовна висёнэз вӧлмытонтэм понна вань куронъёсты лыдэ басьтыса тырше. Соос пӧлысь одӥгез – вакцинация. «Лыдъян-чотанын пӧртэм калыкен пумиськоно: кин ке доразы висён пыртомы шуыса кышка, кин ке юанъёслы шумпотыса валэктон сётэ, кин ке ӧсъёссэ но уг усьты, - азинтэ со веранзэ. – Лыдъян-чотан азинтӥське».