Ёросын 10 сюрс трос тылобурдо быдтэмын

Тылобурдо пыэд ласянь секыт югдур кылдӥз кык гурт поселениосысь сизьым гуртъёсын. Татысь 1,4 сюрслэсь трос тылобурдоосты быдтӥзы. Со сяна, висён трос ыштонъёс ваиз «Алтын Каз» крестьян-фермер хозяйстволы. Отын сизьым сюрс йырлэсь трос ӟазегъёс но кык сюрс йыр куркаос быризы. «Вань тылобурдоос ӝуатэмын, - вера Башкортостанысь ветеринарияя управлениен кивалтӥсь Азат Зиганшин. – Тылобудро пыэдэн нюръяськонэ 100-лэсь трос адямиос пыриськизы».

Туспуктэм: ИА "Башинформ"